Онч энд Компани нь 2018 онд биднийг нээлттэй хувьцаат компани болсноос хойш найдвартай хамтрагч минь байсаар байна. Тэд хариуцлагатай, шийдэл ярьдаг бөгөөд ганц хуулийн нийцлээр хязгаарлагдахгүйгээр огт өөр түвшний үйлчилгээ үзүүлж бусдаас ялгарч чаддаг. Тэд зөвхөн ханган нийлүүлэгч бус бидний найдвартай түнш юм. Онч компанийнхан хоёр хэлээр чөлөөтэй харилцдаг бөгөөд Монголын зах зээлийн талаар нэвтэрхий мэдлэгтэйн дээр олон улсын өнцгөөс асуудлыг харж шийддэг. Энэхүү гайхалтай хослол нь манай бизнест жинхэнэ үнэ цэнийг бий болгож чадаж байна.

​Онч аудит компанийн хувьд Номин Холдинг компани төдийгүй Монгол Улсын хэмжээнд нягтлан бодох бүртгэлийн олон улсын стандартууд мөн санхүүгийн тайлагналын стандартуудыг нэвтрүүлэх, нутагшуулах бодлого гарын авлага, стандарт, дүрэм журмыг  бий болгоход тодорхой хувь нэмэр оруулсан. Онч компанийн хамгийн том давуу тал бол аливаа асуудлыг системээр нь хамрах хүрээ, процесс,  хүрэх үр дүн, нөлөөлөл гэх мэт яг цогцоор нь шинжилж зөвлөгөө өгдөг. Мэргэжлийн боловсон хүчнүүд нь туршлагатай чадварлаг, мэргэжлийн ёс зүй  өндөр, аливаа ажлыг гүйцэтгэх стандарт өндөртэй баг хамт болон гэж бид үнэлдэг.

Онч энд компани манай дотоод аудитын чанарыг сайжруулах, түүнчлэн дотоод үйл ажиллагааны процессыг сайжруулах асуудлаар бид нарт зөвлөмж өгч ажилласан. Манайх шиг том байгууллагад маш олон процесс байдаг. Энэ процессуудын алдаа нь хаана байна, процессыг хэрхэн үр ашигтай болгох вэ гэдэг тал дээр зөвлөмж өгсөн. Мөн бэлтгэн нийлүүлэгч, хамтран ажиллагч байгууллага сонгон шалгаруулах зэрэг олон улсын худалдан авалтын процессын асуудлаар зөвлөгөө авч худалдан авалтын бодлого журмаа сайжруулж одоо хүртэл мөрдлөг болгон ажиллаж байна.

Манай компани 2007, 2008 оноос хойш Онч энд компаниас бүх төрлийн үйлчилгээ аваад сэтгэл хангалуун олон жилийн түнш болж байна. Бидний хувьд татварын  хууль дүрмийг хэрэгжүүлэх нь маш чухал. Бид хамгийн сайн үйлчилгээг авна гэх шаардлага дотооддоо  тавьдаг. Тийм ч болохоор Онч компанийг сонгож олон жил хамтарч ирсэн ба үргэлжлүүлээд татварын зөвлөх үйлчилгээ  авсаар байх болно.

Төрийн байгууллага

Уул уурхайн салбарт олон улсын томоохон компаниуд 2004-5 оноос монголд орж ирж төвлөрч эхлэх тэр үед яг тэр зах зээлийг олоод харчихсан үйл ажиллагаагаа явуулахад бэлэн болчихсон цөөхөн Монгол компаниудын нэг нь Онч аудит компани байсан. Тэр үеийг эргээд бодоход  Монголын эдийн засаг ид буцалж байсан үед   өөрийнхөө байр суурийг хамгийн түрүүнд эзэлж чадсан олон улсын түвшний  компаниудтай өрсөлдөж чаддаг, ур чадвар мэдлэгийн хувьд  ижил тэгш байж чаддаг байсан нь энэ хамт олныг олон улсын том компанитай хамтран ажиллах болзлыг хангасан байжээ.  Ийм шилдэг хамт олныг бүрдүүлээд өдий хүртэл хөгжүүлж чадсан удирдлагуудад баяр хүргэе.

Онч энд Компанийнхан олон улсын стандартын дагуу өндөр түвшний зөвлөх үйлчилгээ үзүүлдэг. Тэднийг зөвхөн аудит хийдэг гэж бодож болохгүй. Тэд бизнес хөгжүүлэлт, татварын зөвлөгөө, эрсдэлийн үнэлгээ зэрэг олон салбарт онцгой амжилт гаргаж ажилладаг ба мэргэжлийн, чадварлаг багтай.

Онч компаний аудитын үйлчилгээ гэхлээр зөвхөн нягтлан бодох бүртгэл санхүүгээр тогтохгүй манай банкны аюулгүй байдал, IT тогтолцоо, IT засаглалын талаар маш үнэтэй зөвлөмжийг  өгч ирсэн. Цөөн хэдэн үгээр тодорхойлбол Монголын болон олон улсын практик стандартыг сайн мэддэг, мэргэжлийн, олон улсын туршлагатай хамт олон юм.